AIR PASANG DALAM

Air pasang dalam.... dalam mana?
Masa nilah bukan main sodap tidur macam dalam buyan. Ada dapek mimpi sodap, ada dapek mimpi buruk dll.

Surut pukul 5 am .... pagi daa....
Soda tak soda masa nilah keno bangun solat tongah malam, lopeh tu subuh, lopeh tu ingek Tuhan banyak-banyak.

Nyonya bangun pagi.....pukul 5 am....la...
Ahhh... tengok-tengok mano tak bangun, ayah eh ko, anak eh ko.

Siram pokok bunga.....air dah ...
Kok kojut-kojut taknak bangun.... maso ni pakai air siram dio orang....bukan pokok bunga pada 5 am....eeee... sojuk. Kok marah kato ann solatttttt.

Pokok bunge melor.....
Dah kona mandiii..an barulah spray wangi-wangian Bakawali.....nak solat.....sunnah....

Tanam tepi kolam...
Tuuu...sobab aeh Onyang Tok buek kolam....mandi tutup aurat.......La niii tompek mandi dalam bilik/rumah......bulat-bulat kut......jin goma malaikat lariiiii.....

Itek berteluuur. Ayam mengerammmm.
Poning Tuk.....Jaman sekarang niii dah bercampur aduk...tunggang langgang.

Che Baba jatuh dalam parit.....berangan jadi kayo.
Toke rumah,,,, kosong... tak ado apo-apo,.....poning. Anak bangun lewat...Macam-macam adab sopan tak ado kek rumah.
Tu sobab aeh jatuh... menampakkan kepincangan sistem rumah tanggo....

Che Minah golak joghet-joghet...
Kain Che Baba terlondeh..heee....heee...Si omak pulak tak soda, yang dio tu esistan kapal.

Naik kereto api poeii Kualo Lumpo
Tompek yang banyak ...macam...macam....yang baik ado...tak baik pun adoo.......paandai-pandailah pilih...

Dapek pompuan cantik tesolit coleh dapo...
Ekau ingek pompuanko... laki aehh sobab yang cantik tokinjo-kinjo jadi laki lah kono masuk dapoo..hee.hee

Tiup puntung aapi...
panjang muncung eah .... tochangut-changut somput napeh

bagho ateh tungku
bokopok asap memutak naik kek atap ghumah...jolago jangan ekau kiro

masak nasik putih jologo berghiyo-ghiyo
apo tak putih hitam memamang joleh nampak eah
sam....